PANYANDRA
MANTEN PUTRI
Wus kapyarsa
latmat-lamat hangranging ungeling sekarteja. Sung pakurmatan miyosing penganten putri ngenggih
Diyah Ayu Rara Galuh Purwandari, S.Psi, jengkar saking panti busana , daya-daya
kadherekaken lenggah ing sasana
krabangan winanggun. Lon-lonan nggenya lumampah kebak ing pengati-ati.
Sarwi nut wiramaning gending , saha tansah nengenaken mring subasita, jumbuh
kaliyan rum kuncaraning bangsa ingkang tansah hanggung mastuti dhateng endah
luhuring budaya.
Temanten putri
hangegem busana ingkan nawa retna hangemba busananing garwa nata. Hangagem
sekar rinonce ingkang sinampiraken ing
pamidhangan kanan, kalamu kantiyubing samirana manda, kongans gandanipun
ngantos hangebengi jroning sasana
pawiwahan.
Cinucukan lampah
dening patah sakembaran, ingkang pinaragan dening angger Vivi saha angger
Wilis. Nyate lare pawestri ingkang maksih timur , sinasaban busana edi peni,
sayektii hamimbuhi semuwaning pahargyan.
Kanthi dening ibu
yani, nenggih sekaring pahargyan, heninging cipta hamung nyenyadhang sih wilasaning Gusti Kang Akarya Loka, mugya
hanurunaken wahyuning palakrama sajuga, dhumateng ingkang daweg kapahargyan,
satemah ambabur kayuwanan niskala datanpa rubeda.
Katingal laju
nggennya lumampah tumuju ing krobongan
winanggun, daya-daya kaaturan lenggah ing papan piniji, hangratun babaring
gati, sedya kang kaesthi.
Kapethik saka
Kuncaraning Basa SMA 3 R1
rizki_anjar40@yahoo.com monggo ningali wonten kritik utawi saran
Tidak ada komentar:
Posting Komentar